Камісія па вучэбна-вытворчай рабоце:

• разглядае пытанні маральнага і матэрыяльнага стымулявання, прызначэнне іменных, персанальных стыпендый, стыпендый дзяржаўных органаў, прафесійных саюзаў, грамадскіх арганізацый, прадстаўленне зніжак са сфарміраванага кошту навучання, пераводу з платнага навучання на навучанне за кошт сродкаў рэспубліканскага і (або) мясцовых бюджэтаў;
• садзейнічае ўдасканальванню раскладаў (графікаў) вучэбных заняткаў, экзаменаў, залікаў, іншых форм бягучай і выніковай атэстацыі; базы вучэбна-выхаваўчага працэсу;
• здзяйсняе кантроль за абгрунтаванасцю ўжытых мер дысцыплінарнага ўздзеяння; вызначэннем павышаючых каэфіцыентаў пры назначэнні вучэбных стыпендый; за адпаведнасцю вынікаў атэстацыі і інфармацыі, якая падаецца заяўнікамі, пры абмеркаванні пытанняў адносна прадстаўлення зніжак са сфарміраванага кошту навучання, пераводу з платнага навучання на навучанне за кошт сродкаў рэспубліканскага і (або) мясцовых бюджэтаў.

Камісія па праектнай дзейнасці і культурна-асветнай рабоце:

• каардынуе праектную дзейнасць і культурна-асветную работу, распрацоўвае прапановы аб правядзенні мерапрыемстваў да дзяржаўных, міжнародных свят і іншых дат;
• курыруе падрыхтоўку і правядзенне культурна-асветных мерапрыемстваў прафбюро, арганізуе ўдзел прафсаюзнай арганізацыі ў міжвузаўскіх мерапрыемствах вышэйстаячых прафсаюзных арганізацый;
• вывучае вопыт работы любіцельскіх калектываў, распрацоўвае праекты прапаноў прафкама, яго прэзідыума кіраўніцтву ўстановы адукацыі па іх падтрымцы.

Камісія па арганізацыйна-масавай і інфармацыйнай рабоце:

• кантралюе захаванне патрабаванняў Устава галіновага прафсаюза, у тым ліку ў частцы забеспячэння своечасовасці правядзення справаздачна-выбарных мерапрыемстваў у прафсаюзных арганізацыях структурных падраздзяленняў і прафгрупах, выканання пастаноў прасаюзных сходаў (канферэнцый), прафкама, яго прэзідыума, вышэйстаячых прафсаюзных органаў;
• вядзе ўлік членаў галіновага прафсаюза, падрыхтоўку дакументаў на прыём у яго члены, утрыманне членскіх прафсаюзных узносаў;
• распрацоўвае, рэалізуе і аналізуе вынікі матывацыйных мерапрыемстваў, накіраваных на павелічэнне ахопу прафсаюзным членствам навучэнцкай моладзі, у тым ліку ў тлумачэнні ролі прафсаюзаў, праў і абавязкаў членаў галіновага прафсаюза;
• распрацоўвае і выносіць на разгляд прафкама план мерапрыемстваў па выкананні прынятых рашэнняў, прапаноў і крытычных заўваг членаў прафсаюза, навучанне прафсаюзнага актыву, абагульняе і распаўсюджвае парадавы вопыт работы прафсаюзаных арганізацый, падраздзяленняў, прафсаюзных груп.

Камісія па аздараўленчай, фізкультурна-масавай і спартыўнай рабоце:

• праводзіць комплекс мерапрыемстваў, накіраваных на паляпшэнне медыцынскага абслугоўвання навучэнцкай моладзі, сумеснае з лячэбна-прафілактычнымі ўстановамі, вывучэнне прычын захворванняў і ўнясенне прапаноў па іх зніжэнні і іншых пытаннях лячэбна-прафілактычных устаноў;
• сумесна са студэнцкімі саветамі інтэрнатаў курыруе падрыхтоўку і правядзенне фізкультурна-аздараўленчых і спартыўных мерапрыемстваў прафбюро;
• вядзе ўлік навучэнцкай моладзі, якой патрэбна санаторна-курортнае лячэнне і адпачынак, дыетычнае (лячэбнае) харчаванне;
• ажыццяўляе грамадскі кантроль за працай студэнцкай паліклінікі, медыцынскіх пунктаў, санаторыя-прафілакторыя і іншых медыка-аздараўленчых падраздзяленняў.

Камісія па кантролі за харчаваннем :

• ажыццяўляе кантроль за работай прадпрыемстваў грамадскага харчавання і гандлю, сочыць за наяўнасцю ўстаноўленага асартыменту, у тым ліку ашчаднага дыетычнага харчавання;
• вывучае пытанні культуры абслугоўвання, арганізацыі харчавання, аналізуе стан памяшканняў, пасуды, мэблі, гандлёвага абсталявання і г. д.;
• распрацоўвае праекты адпаведных прапаноў прафкама, яго прэзідыума прадпрыемствам грамадскага харчавання і гандлю, універсітэту;
• праводзіць анкетаванне студэнтаў з мэтай аналізу дастатковасці сеткі гандлёвых прадпрыемстваў, мэтазгоднасці дыслакацыі, графікаў работы.

Камісія па кантролі за харчаваннем :

• ажыццяўляе грамадскі кантроль пытанняў усялення, пражывання і высялення з інтэрнатаў, правільнасці спагнання аплаты за карыстанне інтэрнатам;
• вядзе ўлік асоб, якія жанатыя, аднак жадаюць атрымаць права на пражыванне ў жылым памяшканні ў інтэрнатах універсітэта;
• рашае спорныя пытанні ўліку пры прадастаўленні жылога памяшкання ў інтэрнаце, садзейнічае паляпшэнню сацыяльных умоў навучэнцаў;
• рыхтуе заключэнні па пытаннях прымянення загадаў дысцыплінарнага ўздзеяння на навучэнцкую моладзь за парушэнне правіл унутранага распарадку інтэрнатаў, скасавання дагавораў па найме жылога памяшкання.