Міжнародны дзяржаўны экалагічны інстытут імя А. Д. Сахарава Беларускага дзяржаўнага універсітэта

Нашы праекты

  1. Праграма «Роўны павучае роўнага»

За кожнай групай I курса замацоўваецца памочнік куратара з ліку актывістаў маладзёжных арганізацый. Кожны месяц праводзяцца заняткі з начальнікам аддзела выхаваўчай работы з моладзю, сакратаром ПА ГА «БРСМ» з правамі РК, старшынёй прафкама студэнтаў.

Мэта праекта: павышэнне матывацыі да авалодання ведамі, развіццё ўпэўненасці, праца над лідарскімі якасцямі актывістаў маладзёжных грамадскіх арганізацый. Формы: круглы стол, дыскусія, інтэрактыўныя гульні.

  1. Турыстычны злёт для студэнтаў I курса «Давай знаёміцца»

Актыў маладзёжных арганізацый універсітэта разам з навабранцамі выязджаюць на прыроду. Праводзяцца камандныя спаборніцтвы. Такія сустрэчы маюць месца быць кожны год, што дазваляе першакурснікам хутка ўключыцца ў колазварот студэнцкага жыцця.

  1. Праект «КіноСерада»

Задача, што пастаўлена перад праектам, – арганізацыя вольнага часу моладзі, фарміраванне духоўна-маральнай культуры і эстэтычнага густу ў студэнтаў, садзейнічанне ідэалагічнаму і патрыятычнаму выхаванню, грамадзянскаму станаўленню моладзі, асвятленне сусветнай культуры, нацыянальных набыткаў у разнастайных аспектах, прафілактыка асацыяльных з’яў сярод моладзі, выяўленне новых форм арганізацыі вольнага часу моладзі, умацаванне станоўчага іміджу маладзёжных арганізацый універсітэта.

  1. Экалагічны праект «Міране»

Мэта праекта: папулярызацыя экалагічнага валанцёрскага руху, а таксама далучэнне студэнтаў да грамадскага жыцця ўніверсітэта.

Праект створаны ў верасні 2009 г. у рамках рэалізацыі палажэння аб экалагічнай практыцы. У яго межах арганізуюцца валанцёрскія акцыі па добраўпарадкаванні Валмянскага парку. Разам з мерапрыемствамі, якія садзейнічаюць развіццю экалагічнай свядомасці, арганізуюцца разнастайныя тэматычныя гульні, арыентаваныя на далучэнне студэнтаў у грамадскага жыцця прафсаюзнай арганізацыі ўніверсітэта.

  1. Праект «Мы за здаровы лад жыцця!»

Маладосць – гэта перыяд адкрыццяў, пошуку новых адчуванняў, патрэбнасць рызыкаваць і самавыяўляцца. У юнацтве, як правіла, не думаш аб хваробах, паколькі мала вопыту і ведаў. У маладосці не мяркуеш аб магчымай небяспецы і непрыемных выніках сваіх учынкаў. Наша задача дапамагчы маладым людзям зрабіць выбар на карысць здаровага ладу жыцця.

Акцыя ўключае арганізацыю масавых катанняў на каньках, правядзенне спартыўных спаборніцтваў паміж факультэтамі, а таксама флешмобаў, накіраваных на папулярызацыю здаровага ладу жыцця сярод навучэнцкай моладзі.

  1. Лідарскі злёт актыву студэнцкага самакіравання «Авангард»

Праект працуе больш за 10 гадоў. Праводзіцца кожны год на ВНК «Міжнародны экалагічны парк “Волма – цэнтр узнаўляльных рэсурсаў”» (Мінская вобл., Дзяржынскі р-н). Накіраваны на выяўленне лідарскіх якасцей студэнтаў, праводзяцца трэнінгі на камандаўтварэнне, аптымізацыю дзеянняў у экстрэмальных сітуацыях, вучоба па раскрыцці лідарскіх якасцей для актывістаў арганізацыі. У рамках злёту праводзіцца акцыя «Я памятаю», прысвечаная Дню Перамогі, спартыўна-інтэлектуальная гульня «Сутычка» на тэрыторыі сядзібнага парку Ваньковічаў і вёскі Волма.

  1. Конкурс грацыі і артыстычнага майстарства «Miss&MisterISEI»

Конкурс праводзіцца з мэтай стварэння ўмоў для ўключэння студэнцкай моладзі ў грамадскае, сацыяльнае і культурнае жыццё грамадства, выяўлення і падтрымкі таленавітай моладзі, арганізацыі вольнага часу студэнтаў. Неабходна выбраць не пераможцаў мадэльнай знешнасці і стандартаў, а ацаніць творчы патэнцыял удзельнікаў. Крытэрыямі адбору прэтэндэнтаў з’яўляюцца: сцэнічная культура, уменне валодаць аўдыторыяй, камунікабельнасць, валоданне этыкай, пачуццё гумару, знешнія даныя, інтэлектуальныя і творчыя здольнасці, артыстычнае майстэрства.

  1. Конкурс «ЭкаСмак»

Конкурс праводзіцца па двух кірунках: лепшая кулінарная справа і лепшы пакой у інтэрнаце. Мэта конкурсу: актывізацыя дзейнасці членаў пярвічнай арганізацыі інстытута і студэнтаў, ставрэнне спрыяльных жыллёва-бытавых умоў пражывання студэнтаў, а таксама камфортнага маральна-псіхалагічнага клімату ў інтэрнаце, удасканаленне метадаў работы з моладдзю, фарміраванне стымулаў актыву пярвічнай арганізацыі па паляпшэнні працы, развіцця і ўмацавання сяброўскіх сувязей паміж студэнцкімі фарміраваннямі, умацаванне іміджу студэнцкага прафсаюза.

  1. Школа студэнцкіх ініцыятыў «Think ISEI»

Злёт праводзіцца кожны год у тры этапы, кожны – на працягу 2 дзён на базе ВНК «Міжнародны экалагічны парк “Волма – цэнтр узнаўляльных крыніц энергіі”» (Мінская вобл., Дзяржынскі р-н, а/г Волма). На першым этапе студэнты разглядаюць парадак дня злёту, прымаюць удзел у разнастайных трэнінгах па камандаўтварэнні,
а таксама атрымоўваюць неабходную тэарэтычную інфармацыю для далейшага ходу праекта. Праводзяцца курглыя сталы для абмеркавання перспектыўнага развіцця існуючых праектаў, планавання акцый флешмобаў і іншых мерапрыемстваў. На другім этапе каманды ўдзельнічаюць у тэматычных семінарах, кейсах, а таксама майстар-класах. На трэцім (заключным) этапе падводзяцца вынікі сваёй працы ў выглядзе прэзентацый, гатовых «пад ключ» праектаў, лепшы з якіх будзе рэалізаваны яго рабочай групай у інстытуце.